गाँजा सहित दुई जना पक्राउ
<p>सर्लाही। बागमती नगरपालिका-११ स्थित झुलुङे पुलबाट आज करिब २ किलो ८ सय ५० ग्राम गाँजा सहित एक जनालाई प्रहरीले पक्राउ गरेको छ। पक्राउ पर्नेमा सिन्धुली हरिहरपुरगढी गाउँपालिका-६ बस्ने २३ वर्षीय सुवास जिम्बा छन्।</p>
<p>सिन्धुलीबाट सर्लाही पैदल आउँदै गरेका उनलाई ईलाका प्रहरी कार्यालय कर्मैयाबाट खटिएको प्रहरीले जाँच गर्ने क्रममा झोलामा राखेको उक्त गाँजा फेला पारी पक्राउ गरेको हो।</p>
<p>यसैगरी सर्लाहीकै बागमती नगरपालिका-१ स्थित पेट्रोल पम्प नजिकबाट करिब ३ किलो ३ सय गाँजा सहित सिन्धुली हरिहरपुरगढी गाउँपालिका-७ बस्ने अन्तरे भन्ने २७ वर्षीय बुद्धिमान गोलेलाई मंगलबार बिहान प्रहरीले पक्राउ गरेको छ।</p>
<p>ईलाका प्रहरी कार्यालय कर्मैयाबाट खटिएको प्रहरीले सिन्धुलीबाट सर्लाहीतर्फ पैदल आउँदै गरेको उनलाई शंका लागि जाँच गर्दा उनले बोकेको झोलामा उक्त गाँजा फेला पारी पक्राउ गरेको हो।</p>
<p>घटनाका सम्बन्धमा प्रहरीले थप अनुसन्धान गरिरहेको छ।</p>
प्रतिक्रिया दिनुहोस्
.jpg)
