दिनेश सञ्चार गृहमै पुगेर पत्रकार कुट्ने एक जना पक्राउ
<p>कैलाली। दिनेश सञ्चार गृहमा आक्रमण गरी पत्रकारमाथि कुटपिट गर्ने एक जनालाई प्रहरीले पक्राउ गरेको छ।</p>
<p>जिल्ला प्रहरी कार्यालय कैलालीको टोलीले धनगढी उपमहानगरपालिका-५ जाईबाट कुटपिटमा संलग्न सरोज थापालाई पक्राउ गरेको जानकारी दिइएको छ।</p>
<p>जिल्ला प्रहरी कार्यालयका प्रवक्ता प्रहरी नायब उपरीक्षक प्रतिक विष्टले थापालाई जाईस्थित आफ्नै घरबाटै पक्राउ गरिएको जानकारी दिए। उनले आक्रमण र कुटपिटमा संलग्न अन्यको खोजी भइरहेको बताए।</p>
<p>शुक्रबार दिनेश सञ्चार गृहको कार्यालयमा पुगेका १५/२० जनाको समूहले गृहका सह-सम्पादक जनक विष्टलाई कुटपिट गरेका थिए भने व्यवस्थापक अमिता कुँवर र प्राविधिक कल्पना सिंहमाथि पनि हातपात भएको थियो।</p>
<p>सञ्चार गृहमाथि आक्रमण गरी पत्रकारमाथि कुटपिट गर्नेलाई कारबाहीको गर्न कैलालीका पत्रकारले निरन्तर खबरदारी गरिरहेका छन्।</p>
प्रतिक्रिया दिनुहोस्
.jpg)
