पोर्चुगलको जंगलमा भीषण आगलागी, एक हजार अग्निनियन्त्रक खटाइए
<p>पोर्चुगल। मध्य पोर्चुगलको जंगलमा सोमबारदेखि भीषण आगलागी सुरु भएको छ।</p>
<p>आगो निभाउन झण्डै एक हजार अग्निनियन्त्रक तथा १५ वटा पानी खन्याउने विमानहरू परिचालन गरिएको पोर्चुगलका अधिकारीहरूले बताएका छन्।</p>
<p>राजधानी लिस्बनबाट उत्तरतर्फ करिब २०० किलोमिटरको दूरीमा आगोको मुस्लो देखिएको छ। </p>
<p>स्थानीय अग्निनियन्त्रक कमान्डर लुइस बेलो कोस्टाले जंगलको आगो झण्डै ५५ किलोभर क्षेत्रमा फैलिएको जानकारी दिए। </p>
<p>सुख्खा मौसम र जंगलभित्रका साना बुट्यान सुकेकाले पनि आगो नियन्त्रण बाहिर पुगेको छ। </p>
<p>पोर्चुगलमा हरेक वर्ष ठूलो वन डढेलो लाग्ने गर्दछ।</p>
<p>कमजोर वन व्यवस्थापन आगलागीको मुख्य कारण रहेको बताइएको छ। तीन वर्षअघिको वन डढेलोमा परेर १०६ जनाको ज्यान गएको थियो। <em>रासस–एपी</em></p>
प्रतिक्रिया दिनुहोस्
.jpg)
