दिनेश सञ्चार गृह र पत्रकारमाथि आक्रमण गर्नेलाई कारबाही गर्नुपर्ने माग गर्दै धर्ना
<p>कैलाली। दिनेश सञ्चार गृह र पत्रकारमाथि आक्रमण गर्नेलाई कारबाहीको माग गर्दै नेपाल पत्रकार महासंघ जिल्ला शाखा कैलालीले आन्दोलन जारी राखेको छ।</p>
<p>पीडित पक्षले कुटपिट गर्नेविरूद्ध कारबाहीको माग गर्दै किटानी जाहेरी दिए पनि प्रहरीले संलग्नलाई पक्राउ नगरेको भन्दै आज जिल्ला प्रशासन कार्यालय अगाडि एक घन्टा धर्ना दिइएको हो।</p>
<p>आइतबार धनगढीमा भएको पत्रकारहरूको भेलाले नेपाल पत्रकार महासंघ कैलालीको अगुवाइमा चरणबद्ध आन्दोलन गर्ने घोषणा गरेको थियो।</p>
<p>सोहीअनुसार आज प्रशासनमा एक घण्टा धर्ना दिइएको नेपाल पत्रकार महासंघ जिल्ला शाखा कैलालीका अध्यक्ष जगत साउँदले बताए।</p>
<p><img alt="" src="/uploads/editor/2020-09-14/080716941mukhyamantri gyapan patra.jpg" /></p>
<p>धर्ना लगत्तै कैलाली शाखाका अध्यक्ष साउँदले मुख्यमन्त्री त्रिलोचन भट्टलाई ध्यानाकर्षण पत्र बुझाएका छन्।</p>
<p>ध्यानाकर्षण पत्र बुझ्दै मुख्यमन्त्री भट्टले दिनेश सञ्चार गृहमा आक्रमण गर्दै पत्रकारमाथि कुटपिट गर्नेहरूलाई कारबाही हुने बताए।</p>
<p>उनले सञ्चार गृहमाथि आक्रमण भएको जानकारी पाउने बित्तिकै प्रहरी, प्रशासनसँग कुराकानी गरेको बताउँदै मुख्यमन्त्री भट्टले कैलालीका प्रमुख जिल्ला अधिकारीसंग घटनाबारे आज पनि जानकारी लिएको बताए।</p>
<p>शुक्रबार दिनेश सञ्चार गृहको कार्यालयमा पुगेका १५-२० जनाको समूहले गृहका सह-सम्पादक जनक विष्टलाई कुटपिट गरेका थिए। व्यवस्थापक अमिता कुँवर र प्राविधिक कल्पना सिंहमाथि पनि हातपात भएको थियो। </p>
प्रतिक्रिया दिनुहोस्
.jpg)
