प्रहरी कर्मचारीहरूले पालना गर्नुपर्ने आचारसंहिता सम्बन्धी कार्यादेश सार्वजनिक
<p>काठमाडौं। प्रहरी महानिरीक्षक शैलेश थापा क्षेत्रीले प्रहरी प्रधान कार्यालयमा आज आयोजित एक कार्यक्रमबीच प्रहरी कर्मचारीहरूले पालना गर्नुपर्ने आचार संहिता सम्बन्धी कार्यादेश–२०७७ सार्वजनिक गरेका छन्।</p>
<p>उनले आजै नेपाल प्रहरी कार्ययोजना–२०७७ को ‘कार्यन्वयन ट्रयाकिङ सफ्टवेयर’ समेत सोही कार्यक्रममा शुभारम्भ गरेका थिए।</p>
<p>कार्यक्रममा प्रहरी महानिरीक्षक क्षेत्रीले निर्माण भएका कार्यादेश र निर्देशिकाहरुले संगठनलाई सही मार्गमा लैजान दूरगामी रुपमा सकारात्मक प्रभाव पार्ने बताए। यसले प्रहरीको छविलाई थप राम्रो बनाउन मद्दत पुर्‍याउने समेत उनले जनाए।</p>
<p>प्रहरी महानिरीक्षक क्षेत्रीले प्रहरी संगठनमा व्यवसायिकता नै मुख्य भएकोले सडकमा समेत व्यवसायिकता देखिने गरी काम गर्न उपस्थित प्रहरी अधिकृतहरुलाई निर्देशन दिएका थिए।</p>
<p>कार्यक्रममा प्रहरी अतिरिक्त महानिरीक्षकहरू, प्रहरी नायव महानिरीक्षकहरु र प्रदेश प्रहरी प्रमुखहरुको भर्चुअल्ली उपस्थिति रहेको थियो।</p>
प्रतिक्रिया दिनुहोस्
.jpg)
