छुट्टाछुट्टै सवारी दुर्घटनामा ३ जनाको मृत्यु
<p>काठमाडौं। रुपन्देही, रौतहट र पाँचथरमा भएका सवारी दुर्घटनामा तीन जनाको मृत्यु भएको छ।</p>
<p>रौतहटको गरुडा नगरपालिका-१ जयनगरस्थित सडकमा मोटरसाइकलको ठक्करबाट सोही स्थान बस्ने मोर्जे आलमकी ८ वर्षीया छोरी नजिया कुमारी खातुनको मृत्यु भएको छ।</p>
<p>ठक्करबाट गम्भीर घाइते भएकी नजियाको गरुडा अस्पताल गरुडा हुँदै थप उपचारको लागि वीरगंजतर्फ लैजाँने क्रममा बाटोमै मृत्यु भएको हो। ठक्कर दिने मोटरसाइकल र चालकको प्रहरीले खोजी गरिरहेको छ।</p>
<p>पाँचथरको फाल्गुनन्द गाउँपालिका-७ थुम्कीस्थित सडकमा मे.१ त ६३०६ नम्बरको ट्याक्टरले किचेर सोही ट्याक्टरमा ज्याला काम गर्ने फाल्गुनन्द गाउँपालिका-६ ओसागु बस्ने ४० वर्षीय बल बहादुर कुरुङवाङको मृत्यु भएको छ।</p>
<p>ट्याक्टरको ट्रलीबाट लडेर टायरले किच्दा उनको घटनास्थलमै मृत्यु भएको हो। फरार रहेका ट्याक्टर चालकलाई प्रहरीले खोजी गरिरहेको छ।</p>
<p>रुपन्देहीको देबदह नगरपालिका-१० स्थित सडकमा लु.२ ख ८९९ नम्बरको टिपरले ध.१ प ९७९५ नम्बरको स्कुटरलाई ठक्कर दिँदा स्कुटर चालक कपिलबस्तु नगरपालिका-४ तौलिहवा बस्ने प्रहरी जवान ३३ वर्षीय अमित श्रेष्ठको मृत्यु भएको छ।</p>
<p>ठक्करबाट गम्भीर घाइते भएका अमितको लुम्बिनी प्रादेशिक अस्पताल बुटवल हुँदै मेडिकल कलेज भैरहवामा थप उपचारको क्रममा मृत्यु भएको हो।</p>
<p>दुर्घटनामा घाइते भएकी मोटरसाइकलमा सवार सैनामैना नगरपालिका–४ घर भएकी प्रहरी जवान २३ वर्षीया सन्तोषी थारुको सोही अस्पतालमा उपचार भइरहेको छ। </p>
<p>जिल्ला प्रहरी कार्यालय वाग्लुङमा कार्यरत दुवैजना विदामा घर फर्कने क्रममा दुर्घटनामा परेका हुन्। फरार रहेका टिपर चालकको प्रहरीले खोजी गरिरहेको छ। </p>
<p>घटनाहरुका सम्बन्धमा स्थानीय प्रहरीले आवश्यक अनुसन्धान गरिरहेको छ । </p>
प्रतिक्रिया दिनुहोस्
.jpg)
