सवारी दुर्घटनामा एकजनाको मृत्यु, दुई घाइते
<p style="text-align: justify;">काठमाडौं। पाँचथर र कास्कीमा भएका छुट्टाछुट्टै सवारी दुर्घटनामा एकजनाको मृत्यु र दुईजना घाइते भएका छन्। </p>
<p style="text-align: justify;">पाँचथरको फाल्गुनन्द गाउँपालिका-७, थुम्कीमा ट्याक्टरबाट खसेर एकजनाको मृत्यु भएको छ।</p>
<p style="text-align: justify;">मृत्यु हुनेमा फाल्गुनन्द गाउँपालिका-६ घर भएका ४० वर्षीय बलबहादुर कुरुङवाङ छन्।</p>
<p style="text-align: justify;">प्रहरीका अनुसार शनिबार बेलुकी पौने ७ बजे फक्तेपबाट आङसराङतर्फ जाँदै गरेको मे १ त ६३०६ नम्बरको ट्याक्टरबाट खसेर बलबहादुरको घटनास्थलमै मृत्यु भएको हो।</p>
<p style="text-align: justify;">ट्याक्टर चालक फरार रहेकाले खोजी भइरहेको प्रहरीले जनाएको छ। </p>
<p style="text-align: justify;">यस्तै, कास्कीको पोखरा महानगरपालिका–३२ मा मोटरसाइकल अनियन्त्रित भई सडकबाट खस्दा २ जना गम्भीर घाइते भएका छन्।</p>
<p style="text-align: justify;">शनिबार साँझ ग ४ प २४०५ नम्बरको मोटरसाइकल अनियन्त्रित भई सडकदेखि १०० मिटर तल खसेको थियो। </p>
<p style="text-align: justify;">मोटरसाइकल चालक पोखरा महानगरपालिका-११ रानीपौवाका २४ वर्षीय सरोज जैसवाल र पछाडि सवार २७ वर्षीय कृष्णकुमार श्रेष्ठ घाइते भएका हुन्।</p>
<p style="text-align: justify;">घाइते दुवैको पश्चिम क्षेत्रीय अस्पताल पोखरामा उपचार भइरहेको प्रहरी चौकी जनताको चौताराले जनाएको छ।</p>
.jpg)
