सिन्धुपाल्चोक पहिरो अपडेट : दुईजना मृत फेला, २२ जना बेपत्ता
<p>काठमाडौं। सिन्धुपाल्चोकको बाह्रबिसे नगरपालिकाको विभिन्न ठाउँमा गएको पहिरोमा पुरिएर दुईजनाको मृत्यु भएको छ।</p>
<p>तीनजना घाइते भएका छन्। र, २२ जना बेपत्ता भएका छन्।</p>
<p>मृत्यु हुनेहरूमा नागपुजेकी अन्दाजी ६३ वर्षीया भक्तिमाया श्रेष्ठ र भीरखर्कको विक टोलकी २३ वर्षीया जुनु विक रहेकी छन्।</p>
<p>नागपुजेमा सात घर पहिरोले पुरिएका छन्। जिल्ला प्रहरी कार्यालय सिन्धुपाल्चोकले जनाएअनुसार त्यहाँ १६ जना बेपत्ता भएका छन्।</p>
<p>भीरखर्कको विक टोलमा दुई घर पहिरोले पुरिएको छ। अझै ६ जना बेपत्ता रहेको जिल्ला प्रहरी कार्यालय सिन्धुपाल्चोकका प्रहरी प्रवक्ता तथा प्रहरी नायव उपरीक्षक (डीएसपी) प्रकाश सापकोटाले बताए।</p>
<p>यस्तै किम्डे गाउँमा पनि पहिरोमा परी तीनजना घाइते भएका छन्। उनीहरूलाई उपचारका लागि बाह्रबिसेतर्फ लगिँदैछ । </p>
<p>पहिरोपछि भीरखर्क र नागपुजेतर्फ एसपी नेतृत्वको टोली परिचालन भएको छ। तर, किम्डेमा भने प्रहरी टोली गएको छैन।</p>
प्रतिक्रिया दिनुहोस्
.jpg)
