‘सभ्य समाज निर्माणमा योगदान गर्नुस्’ : प्रधानमन्त्री
<p>काठमाडाैं। प्रधानमन्त्री केपी शर्मा ओलीले सञ्चारमाध्यमले सभ्य समाज निर्माणका लागि योगदान गर्नुपर्ने बताएका छन्। </p>
<p>३ असोजमा देखापढी डटकमको शुभारम्भ गर्दै प्रधानमन्त्री ओलीले भने, “सभ्य समाज निर्माणमा योगदान दिनुस्, लहैलहैमा नलाग्‍नुस्।”</p>
<p>प्रधानमन्त्री ओलीले संविधान निर्माणपछिका चार वर्षमा देशमा धेरै परिवर्तन भइसकेको उल्लेख गरे।अढाइ सय बर्षदेखिका समस्यासँग जुधिरहेको समाजलाई डेढ बर्षमै झलमल पार्ने सरकारसँगको अपेक्षा न्यायोचित नभएको उनको तर्क थियो। </p>
<p><strong> ‘संविधान कार्यान्वयनमा पक्ष–प्रतिपक्ष हुन्न’ </strong></p>
<p>संविधान दिवसको अवसरमा ३ असोजमा काठमाडौंमा आयोजित मूल समारोहलाई सम्बोधन गर्दै प्रधानमन्त्री ओलीले संविधान कार्यान्वयनका क्रममा कुनै अप्ठ्यारो आइलागे क्रमशः पन्छाउँदै संविधानमा परिमार्जन गर्न सकिने पनि दोहोर्‍याए। </p>
<p>प्रधानमन्त्री ओलीले भने, “हाम्रो लोकतन्त्र फराकिलो छ, कतिपय अतिवादी सोच र संस्थालाई पनि यसले यसै अवधिमा मूलधारमा फर्काउन सफल भएको छ। जो अझै बाटो भुलिरहेका छन्, उनीहरुलाई पनि मूलधारमा आउन ढिला नगर्न मेरो आग्रह छ।”</p>
<p>सम्बोधनका क्रममा उनले आफ्नो कार्यकालको हालसम्मको अवधिमा भएका आर्थिक विकास र उपलब्धिबारे पनि चर्चा गरे । <br />
</p>
प्रतिक्रिया दिनुहोस्
.jpg)
