बागलुङकाे पाँचवटा झोलुङ्गे पुलमा क्षति
<p style="text-align: justify;">बागलुङ। बागलुङ जिल्लाको ताराखोला गाउँपालिकामा वर्षासँगै आएको बाढीले पाँच वटा झोलुङ्गे पुलमा क्षति पुर्‍याएको छ।</p>
<p style="text-align: justify;">गाउँपालिकाको दोगाडी घाट, करीमेलाको उपल्लो र तल्लो, मिचेक घाट र कुचुङ्गे घाटको झोलुङ्गे पुलमा क्षति पुर्‍याएको हो।</p>
<p style="text-align: justify;">मिचेक घाटको पुल बाढीले बगाएको छ भने अन्य पुलमा क्षति पुर्‍याएको गाउँपालिकाका अध्यक्ष प्रकाश घर्तीले जानकारी दिए।</p>
<p style="text-align: justify;">घर्तीका अनुसार पुल मर्मत सम्भार गर्नका लागि मात्रै एक करोडभन्दा बढी खर्च लाग्नेछ। </p>
<p style="text-align: justify;">यस्तै दलामचौर घाटमा रहेको अस्थायी मोटरेबल पुलसमेत बाढीले बगाएको छ।</p>
<p style="text-align: justify;">पुल बगाएपछि ताराखोलादेखि हरिचौर हटियासम्मको सडक पूर्णरूपमा अवरुद्ध बनेको छ।</p>
<p style="text-align: justify;">ताराखोलाको करिमेला, ताराखोला र मपेस खोलामा आएको बाढीले पाँच किलोमिटर सडकमा समेत क्षति पुर्‍याएको गाउँपालिका अध्यक्ष घर्तीले जानकारी दिए। <em>रासस</em></p>
.jpg)
