३५ लाखमा बेच्न ल्याएको कछुवा सहित पाँच जना पक्राउ
<p>काठमाडौं। काठमाडौं महानगरपालिका-१४ कंलकीबाट अन्दाजी ७ सय ग्राम तौल तथा १२ ईन्च लम्बाई भएको पहेलो रंगको दुर्लभ वन्यजन्तु कछुबा सहित ५ जनालाई शनिबार बिहान प्रहरीले पक्राउ गरेको छ।</p>
<p>पक्राउ पर्नेहरुमा सुर्खेत भेरीगंगा नगरपालिका-२ घर भएका २५ वर्षीय सर्वराज बुढा, नुवाकोट बेलकोट गढी नगरपालिका–५ घर भएका १८ वर्षीय किशोर, काभ्रे नमोबुद्ध नगरपालिका–८ घर भएका २७ वर्षीय सन्तोष रम्तेल, रौतहट च.पुर नगरपालिका–३ घर भएका १८ वर्षीय किशोर र नुवाकोट बेलकोट गढी नगरपालिका–५ घर भएका १९ वर्षीय प्रमोद बास्कोटा रहेका छन्।</p>
<p>चितवनबाट अन्दाजी ३५ लाख रुपैयाँमा किनबेच गर्न भनि लिएर आएको उक्त कछुबा सहित महानगरीय प्रहरी वृत्त कालिमाटी, महानगरीय अपराध महाशाखा अन्तर्गत पिसिसिबि कालिमाटी र पिसिसिबि स्वयम्भूबाट खटिएको संयुक्त प्रहरी टोलीले उनीहरुलाई पक्राउ गरेको हो ।</p>
<p>पक्राउ परेका व्यक्तिहरुलाई थप अनुसन्धानको लागि महानगरीय प्रहरी वृत्त कालिमाटीमा राखिएको महानगरीय अपराध महाशाखा मिनभवनले जनाएको छ।</p>
प्रतिक्रिया दिनुहोस्
.jpg)
