करेन्ट लागेर दुई सैनिकको मृत्यु
<p>चितवन। सिंहनाथ गण शक्तिखोरका दुईजना सैनिकको करेन्ट लागेर मृत्यु भएको छ। कालिका नगरपालिका–८ शक्तिखोरस्थित सिंहनाथ गणमा कार्यरत दुईजना सैनिकको आज करेन्ट लागेर मृत्यु भएको हो।</p>
<p>जिल्ला प्रहरी कार्यालय चितवनका प्रवक्ता सूर्यबहादुर थापाका अनुसार गण परिसरमा रहेको रूखको हाँगा काट्ने क्रममा करेन्ट लागेर सुवेदार राजुबाबु श्रेष्ठ र सिपाही साजन कुमालको मृत्यु भएको हो।</p>
<p>श्रेष्ठको उपचारका लागि अस्पताल ल्याउँदै गर्दा र कुमालको उपचारका क्रममा भरतपुर अस्पतालमा मृत्यु भएको थापाले जानकारी दिए। घटना बिहान करिब ११ बजेको हो।</p>
प्रतिक्रिया दिनुहोस्
.jpg)
