१३ महिनाको वर्ष मान्ने देश, जहाँ सन् २०१३ चलिरहेको छ
<p>काठमाडौं। एउटा यस्तो देश जुन अन्य देशभन्दा सात वर्ष पछाडि छ, अर्थात् त्यहाँ भर्खर २०१३ साल चलिरहेको छ। अन्तर्राष्ट्रिय संवत् मान्नेहरू अहिले २०२० मा छन्।</p>
<p>त्यो देश अन्य कतिपय सवालमा पनि पृथक नै छ। जस्तोः त्यहाँ १३ महिनाको एक वर्ष मानिन्छ। अन्य मुलुकले जनवरी १ लाई नयाँ वर्ष मान्छन्, त्यहाँ सेप्टेम्बर ११ देखि नयाँ वर्ष सुरु हुन्छ। यो अनौठो र पृथक मुलुक हो- इथियोपिया।</p>
<p>इथियोपियावासीको आफ्नै छुट्टै क्यालेन्डर छ। कप्टिक क्यालेन्डरको हिसाबमा उनीहरू चल्छन्। संसारभरका क्यालेन्डर ग्रिगोरियन हिसाबमा बन्छ। चाडपर्व पनि यही क्यालेन्डर मुताबिक मनाइन्छ।</p>
<p>इथियोपियावासी इसा मसिहाको जन्म ७बीसीमा भएको र त्यही हिसाबमा दिनगन्ती सुरु हुनुपर्ने मान्यता राख्छन्। र, त्यसपछि नै कप्टिक क्यालेन्डर निर्माण गरिएको उनीहरूको भनाइ छ। दुनियाँका अन्य मुलुकमा जे जस्ता पर्व पर्छन्, इथियोपियामा त्यस्ता पर्व फरक दिनमा मनाइन्छ।</p>
<p>पूर्वी अफ्रिकी मुलुक इथियोपिया नेपालजस्तै भूपरिवेष्टित मुलुक हो। त्यहाँको जनसंख्या करिब १० करोड छ। (एजेन्सी)</p>
प्रतिक्रिया दिनुहोस्
.jpg)
