नारायणगढ–मुग्लिन सडक एकतर्फी सञ्चालन
<p>काठमाडाैं। नारायणगढ–मुग्लिन सडक एकतर्फी सञ्चालनमा आएको छ।</p>
<p>सो सडकखण्डअन्तर्गत भरतपुर महानगरपालिका–२९ भतेरीमा गएको सुक्खा पहिरो पन्छाएपछि सडक एकतर्फी सञ्चालनमा आएको हो।</p>
<p>उक्त सडकखण्डमा रोकिएका गाडी गन्तव्यतर्फ लागेका छन् । दुईवटा रुखसहित खसेको पहिराले दुई घण्टा सडक अवरुद्ध बनेको थियो।</p>
<p>आज बिहान परेको मुसलधारे पानीले सो सडकखण्डअन्तर्गत अन्य क्षेत्रमा पनि लेदो झरेको र त्यो सफा गर्ने क्रममा रहेको जिल्ला प्रहरी कार्यालय चितवनका प्रवक्ता प्रहरी नायब उपरीक्षक सूर्य थापाले जानकारी दिए।</p>
<p>रासस</p>
प्रतिक्रिया दिनुहोस्
.jpg)
