१५ वर्षीय किशोरीलाई बलात्कार गरेको आरोपमा १४ वर्षे किशोर पक्राउ
<p>काठमाडौं। छुटुटाछुट्टै बलात्कारका घटनाका तीन जना आरोपितलाई प्रहरीले पक्राउ गरेको छ।</p>
<p>सप्तरीमा १५ वर्षीया किशोरीलाई बलात्कार गरेको अभियोगमा बोदेवर्साइन नगरपालिका–३ गौरा बस्ने सिरहा भगवानपुर गाउँपालिका–१ भगवानपुर घर भएका १४ वर्षीय किशोरलाई प्रहरीले पक्राउ गरेको छ।</p>
<p>ती किशोरीलाई बलात्कार गरेको भन्ने खबर प्राप्त हुनासाथ ईलाका प्रहरी कार्यालय कडरवोनाबाट खटिएको प्रहरीले उनलाई पक्राउ गरेको हो।</p>
<p>३१ वर्षीया र ३६ वर्षीया महिलालाई बलात्कार गरेको अभियोगमा कास्कीको पोखरा महानगरपलिका–७ शान्तिनगर ठेगाना भएका ३७ बर्षीय बामदेव सुवेदीलाई प्रहरीले पक्राउ गरेको छ। </p>
<p>विभिन्न डर, धाकधम्की तथा प्रलोभन देखाई ती महिलाहरुलाई छुट्टाछुट्टै समयमा बलात्कार गरेको भन्ने खवर प्राप्त हुनासाथ जिल्ला प्रहरी कार्यालय कास्कीबाट खटिएको प्रहरीले उनलाई पोखरा महानगरपालिका–७ बाट पक्राउ गरेको हो।</p>
<p>रुपन्देहीमा १६ वर्षीया किशोरीलाई बलात्कार गरेको अभियोगमा चर्वारी–६ हडसरी बस्ने १९ वर्षीय इसरार पठानलाई मंगलबर साँझ प्रहरीले पक्राउ गरेको छ।</p>
<p>खेतमा घाँस काट्ने क्रममा ती किशोरीलाई बलात्कार गरेको भन्ने खबर प्राप्त हुनासाथ प्रहरी चौकी ठर्कीबाट खटिएको प्रहरीले उनलाई पक्राउ गरेको हो।</p>
<p>घटनाहरुका सम्बन्धमा स्थानीय प्रहरीले थप अनुसन्धान गरिरहेको छ ।<br />
</p>
प्रतिक्रिया दिनुहोस्
.jpg)
