सरकारी छाप दस्तखत किर्ते मुद्दाका दोषी पक्राउ
<p>कैलाली। सरकारी छाप दस्तखत किर्ते मुद्धाका फरार दोषी गोदावरी नगरपालिका–३ बस्ने ६३ वर्षीय ईश्वरी प्रसाद दाहाललाई प्रहरीले पक्राउ गरेको छ।</p>
<p>जिल्ला मालपोत कार्यालय बर्दियामा २०६५ सालमा खरिदार पदमा कार्यरत रहँदा दाहाल समेतका २ जनाले नेपाल सरकारका नाममा रहेको बर्दिया जिल्लाका विभिन्न स्थानका जग्गाको किर्ते कागजपत्र बनाई विभिन्न व्यक्तिहरुबाट आर्थिक लाभ लिएका थिए।</p>
<p>उक्त मुद्धामा जिल्ला अदालत बर्दियाको २०७३ मंसिर ३० गते उनलाई ३ वर्ष ५ महिना कैद फैसला सुनाएको थियो। त्यसपछि उनी हालसम्म फरार थिए।</p>
<p>उनलाई आफ्नै घरमा रहेको अवस्थामा प्रहरीले पक्राउ गरेको हो।</p>
<p>उनलाई आवश्यक कारवाहीका लागि जिल्ला अदालत कैलालीमा पेश गरेको जिल्ला प्रहरी कार्यालय कैलालीले जनाएको छ।<br />
</p>
प्रतिक्रिया दिनुहोस्
.jpg)
