लागुऔषधसहित तीन जना भक्तपुरबाट पक्राउ
<p>काठमाडौं। प्रहरीले लागुऔषधसहित तीन जनालाई पक्राउ परेको छ। महानगरीय अपराध महाशाखा र भक्तपुर प्रहरीले लागूऔषधसहित ३६ वर्षीय विष्णु प्रधान, ३७ वर्षीय डम्बरबहादुर प्रधान र ३२ वर्षीय शंकर खडकालाई पक्राउ गरेको हो।</p>
<p>पक्राउ परेका प्रधानद्धय सिन्धुपाल्चोकको बाह्रबिसे नगरपालिका वडा नम्बर–७ तथा खड्का सिन्धुपाल्चोककै भोटेकोशी गाउँपालिका वडा नम्बर–५ का हुन्।</p>
<p>उनीहरूको साथबाट प्रहरीले डाइजापाम दुई हजार ९५० एम्पुल, नाइट्रोभेट तीन हजार एम्पुल, बुप्रेनोर्फिन एक हजार पाँच सय एम्पुल, प्रोमाथाजिन दुई हजार नौं सय ५० एम्पुल र नुफिन एक हजार चार सय एम्पुल बरामद गरेको छ।</p>
<p>महानगरीय अपराध महाशाखाका प्रवक्ता तथा प्रहरी उपरीक्षक (एसपी) ईश्वर कार्कीले प्रधानद्धयलाई भक्तपुरको सल्लाघारी क्षेत्रबाट पक्राउ परेको बताए।</p>
<p>उनीहरू सवार रोकी रोखेको ना.ख. ९८९ नम्बरको कन्टेनरलाई चेकजाँच गर्ने क्रममा मङ्गलबार बिहान प्रहरीले चालकको सिट मुनिबाट उक्त लागूऔषधहरूलाई बरामद गरेको कार्कीले बताए।</p>
<p>प्रधानद्धयको पक्राउपछि प्रारम्भिक अनुसन्धानको क्रममा लागूऔषध कारोबारमा खड्कासमेत संलग्न रहेको खुलेपछि उनलाई काठमाडौंको बुढानीलकण्ठ क्षेत्रदेखि प्रहरीले पक्राउ गरेको हो। उनीहरूलाई अपराध महाशाखाले महानगरीयप प्रहरी परिसर भक्तपुर पठाएको छ।</p>
प्रतिक्रिया दिनुहोस्
.jpg)
