लोकल रक्सीको ‘ब्रान्ड’ बनाउने बहस चलिरहँदा प्रहरीले नष्ट गर्यो ३१८० लिटर मदिरा
<p>सर्लाही। देशका केही सांसदहरुले घरेलु (लोकल) रक्सीको ब्रान्ड बनाई विदेश निर्यात गनुेपर्ने तफ वहस चलाइरहेका बेला प्रहरीले भने घरेलु रक्सी नष्ट गर्ने अभियानलाई रोकेको छैन।</p>
<p>प्रहरीले आज विहान बरहथवा नगरपालिका–८ टाँडि र गोडैता नगरपालिका–५ रामवनबाट करिब ३ हजार १ सय ८० लिटर अवैध घरेलु मदिरा नष्ट गरेको छ। </p>
<p>जिल्ला प्रहरी कार्यालय सर्लाहीबाट खटिएको प्रहरीले उक्त स्थानका घर जाँच गर्ने क्रममा अबैध रुपमा घरेलु मदिरा उत्पादन गरी राखेको फेला पारेपछि उक्त मदिरा नष्ट गरेको हो। </p>
<p>प्रहरीले मदिरा उत्पादन गर्न प्रयोग गर्ने १३ वटा ठूलो ड्रम, २१ वटा ग्याल्डिन र ८ वटा सानो ग्याल्डिन समेत बरामद गरेको छ । <br />
घटनाका सम्बन्धमा प्रहरीले थप अनुसन्धान गरिरहेको छ।</p>
प्रतिक्रिया दिनुहोस्
.jpg)
