बलात्कारको आरोपमा दुई जना पक्राउ
<p>कञ्चनपुर। बेदकोट नगरपालिका-३ का दुई जनालाई सामूहिक बलात्कार गरेको आरोपमा आज प्रहरीले पक्राउ गरेको छ।</p>
<p>जिल्ला प्रहरी कार्यालयका प्रहरी नायब उपरीक्षक अमरबहादुर थापा क्षेत्रीका अनुसार पक्राउ पर्नेमा २३ वर्षका केशव ठकुराठी र ३७ वर्षका मिनराज भट्ट रहेका छन्। स्थानीय महिलालाई सामूहिकरुपमा बलात्कार गरी दुवै जना गत चैत १० गतेदेखि फरार रहँदै आएका थिए।</p>
<p>दुवै जनाविरुद्ध पीडित महिलाले प्रहरीलाई उजुरी दिएकी थिइन्। महिलाले उजुरी दिएपछि दुवै जना फरार थिए।</p>
<p>घर आएका बेला दुवै जना पक्राउ परेका हुन्। दुवैलाई पक्राउ गरी आवश्यक अनुसन्धानको कार्य भइरहेको प्रहरी नायब उपरीक्षक थापाले बताए।</p>
<p>रासस</p>
प्रतिक्रिया दिनुहोस्
.jpg)
