पाँच जना मृत अवस्थामा फेला
<p>काठमाडौं। देशका विभिन्न स्थानमा पाँच जना मृत अवस्थामा फेला परेका छन्। अछाम, मकवानपुर, बारा, सिन्धुली र महोत्तरीमा उनीहरु मृत अवस्थामा फेला परेको प्रहरीले जनाएको छ।</p>
<p>प्रहरीको अनुसार अछामको बान्नीगढी जयगढ गाउँपालिका–४ कैलाशखोलामा मंगलसेन नगरपालिका–९ ओलीगाउँ डाँडा बस्ने ३० वर्षीया रेश्मा कुँवर (रावल) शुक्रबार मृत अवस्थामा फेला परेकी छन्।</p>
<p>मकवानपुरको बकैया गाउँपालिका–६ गडुवान खोबिल्टो बस्ने ९ वर्षीय मनिष भोलन घरबाट २ किमि टाढा गडुवान खोला नजिकै झाडीमा शुक्रबार मृत अवस्थामा फेला परेका छन्।</p>
<p>बाराको बिश्रामपुर गाउँपालिका–३ स्थित पोखरीमा सोही ठाउँ बस्ने ४५ वर्षीय लक्ष्मण साह कलवार शुक्रबार मृत अवस्थामा फेला परेका छन्।</p>
<p>सिन्धुलीको मरीण गाउँपालिका–५ मरीण खोलाको बगरमा सोही गाउँपालिका–७ बाह्रबिसे बस्ने ५५ वर्षीय पूर्ण बहादुर माझी शुक्रबार मृत अवस्थामा फेला परेका छन्। </p>
<p>महोत्तरीको मनराशिश्वा नगरपालिका–१ बस्ने संजय साहको ६ वर्षीय छोरा आकाश साह घरबाट करिब ५ सय मिटर टाढा महादेव मठको सार्वजनिक पोखरीमा शुक्रबार मृत अवस्थामा फेला परेका छन्।</p>
<p>घटनाहरुको सम्बन्धमा स्थानीय प्रहरीले आवश्यक अनुसन्धान गरिरहेको छ।</p>
प्रतिक्रिया दिनुहोस्
.jpg)
