डाँका-चोरी मुद्दाका फरार व्यक्ति १६ वर्षपछि पक्राउ
<p>कैलाली। चोरी मुद्दाका फरार प्रतिवादी गौरिगंगा नगरपालिका–२ बस्ने ५६ वर्षीय श्याम चौधरी र सोही ठाउँ बस्ने ५० वर्षीय फूलपाती चौधरीलाई प्रहरीले पक्राउ गरेको छ।</p>
<p>उनीहरूलाई २०६६ असार २ गते जिल्ला अदालत कैलालीले ६ वर्ष कैद र ४ चार हजार १४७ रूपैयाँ ६५ पैसा जरिवाना ठहर गरेको थियो। </p>
<p>जिल्ला अदालत कैलालीको फैसला पुनरावेदन अदालत दिपायलबाट समेत सदर भएको थियो। </p>
<p>गौरिगंगा नगरपालिका-२ स्थित स्थानीयको घरमा २०५८ साल माघ ४ गते राति हातहतियारसहित आएको समूहले नगद तथा धनमाल चोरी गरेको थियो। </p>
<p>सोही घटना संलग्न उनीहरूलाई तत्कालै पक्राउ गरी सम्पूर्ण अनुसन्धान कार्य पश्चात कैलाली जिल्ला अदालतको आदेशले पुर्पक्षका लागि कारागार कार्यालय कैलालीमा पठाएको थियो।</p>
<p>उनीहरू २०६१ साल माघ २७ गते कैलाली कारागारबाट भागी फरार भएका थिए। </p>
<p>उनीहरूलाई आवश्यक कारबाहीका लागि जिल्ला अदालत कैलाली पठाइएको जिल्ला प्रहरी कार्यालय कैलालीले जनाएको छ।</p>
प्रतिक्रिया दिनुहोस्
.jpg)
