काठमाडौं मलको दक्षिणी पाखो भत्काउने क्रममा दुर्घटना, एक्साभेटर चालक घाइते (भिडिओसहित)
<p>काठमाडौं। वृहत धरहरा निर्माण परियोजनाअन्तर्गत काठमाडौं मलको दक्षिणी पाखो भत्काउने क्रममा दुर्घटना हुँदा एकजना घाइते भएका छन्।</p>
<p>काठमाडौं मलको पछाडि भाग र सुन्धाराको बीचबाट टेबहालतिर जाने बाटो बढाउने प्रयोजनका लागि मलको दक्षिणी पाखो भत्काउन खोज्दा उक्त दुर्घटना भएको थियो। दिउँसो ४ बजे आसपास एक्साभेटरले भत्काउँदै गर्दा भवन भत्किएर एक्साभेटरमाथि खसेको थियो। घर भत्किँदा एक्साभेटरका चालक विष्णु साह घाइते भएको प्रत्यक्षदर्शीले जानकारी गराएका छन्। </p>
<p>घाइते चालक साहलाई तत्काल उपचारार्थ त्रिवि शिक्षण अस्पताल महाराजगञ्ज पठाइएको ममहानगरीय प्रहरी कार्यालय रानीपोखरीका प्रवक्ता तथा प्रहरी वरिष्ठ उपरीक्षक सुशीलकुमार यादवले बताए।</p>
<p>“निर्माण स्थल भएकाले सर्वसाधारणलाई त्यतातिर जान प्रतिबन्ध थियो। निषेधाज्ञाका कारण पनि मानिसहरुको चहलपहल नहुँदा ठूलो दुर्घटना हुन पाएन। एक्साभेकटर चालकलाई खुट्टामा चोट लागेको देखिन्छ,” स्थानीय प्रत्यक्षदर्सी आयुश खड्काले <em>देखापढी</em>लाई भने, “भवनको त्यो भाग काठमाडौं मलको अगाडि भागमा खस्नुपर्ने थियो। तर अनपेक्षित रुपमा वायाँतिर खस्दा एक्साभेटरलाई थिच्यो।”</p>
<p><iframe allowfullscreen="true" allowtransparency="true" frameborder="0" height="450" scrolling="no" src="https://www.facebook.com/plugins/video.php?href=https%3A%2F%2Fwww.facebook.com%2Fdekhapadhi%2Fvideos%2F632030104346134%2F&show_text=0&width=800" style="border:none;overflow:hidden" width="800"></iframe><br />
</p>
प्रतिक्रिया दिनुहोस्
.jpg)
