दलित युवा विजयराम चमार मृत्यु प्रकरणका दोषीलाई कारबाही गर्न वरिष्ठ अधिवक्ता त्रिपाठीको माग
<p>काठमाडौं। वरिष्ठ अधिवक्ता डा. दिनेश त्रिपाठीले रौतहटको गरुडाका दलित युवा विजयराम चमार मृत्यु प्रकरणका दोषीहरुलाई कडा कारबाही गर्न माग गरेका छन्।</p>
<p>बिहीबार पत्रकार सम्मेलन आयोजना गर्दै अधिवक्ता त्रिपाठीले राज्य संयन्त्रको कारणले कोरोना महासंकटको अवधिमा मानवअधिकारको गम्भीर हनन भएको टिप्पणी गरे।</p>
<p>उनले राज्य नै ठूलो भक्षकको रुपमा देखा परेको जिकिर गर्दै श्रृंखलावद्ध रुपमा नागरिकहरुको अधिकार अपहरण भइरहेको आरोप लगाए। </p>
<p>धनुषामा शम्भु सदाको हिरासतमै मृत्यु भएको र अहिलेसम्म दोषीमध्ये कसैलाई कारबाही नगरिएको प्रशंग सम्झाउँदै उनले भने, “यो नेपालको लागि एउटा अन्तर्राष्ट्रिय लज्जाको विषय हो।”</p>
<p>प्रहरी प्रशासनले पीडित परिवारको जाहेरी समेत लिन अस्विकार गरेको उनले बताए। “यस्तो गम्भीर घट्नाको बारेमा वस्तुगत र वैज्ञानिक छानबिन हुनैपर्छ।” </p>
<p>अर्का अधिवक्ता शैलेन्द्र अम्बेडकरले सदाको मृत्यु प्रकरणमा तीन जना प्रहरीलाई निलम्बन गरे पनि थानाका ईन्चार्जमाथि कुनै कार्वाही वा अनुसन्धान नभएके बताए।</p>
<p>“हिरासतमा लिएर चरम यातना दिनु र त्यही कारणले मान्छेको ज्यान जानु भनेको गम्भीर प्रकृतिको अपराध हो। यस्तोमा तत्काल सम्बन्धित सबैलाई निलम्बन गरी अनुसन्धान हुनुपर्छ,” अम्बेडकरले भने। </p>
<p>सदाको मृत्यु प्रकरणमा एकजना प्रहरी निरीक्षक नवीनकुमार सिंहसहित ३ प्रहरी निलम्बनमा परेका छन्। गरुडा नपा–८ बसविट्टी जिंगडिया वस्ने वर्ष २० का निरन्जन रामको हत्या आरोपमा इलाका प्रहरी कार्यालय गरुडाले सदालाई पक्राउ गरेको थियो।</p>
<p>हिरासतमा बिरामी परेका उनको उपचारको क्रममा मृत्यु भएको थियो। प्रहरीको यातनाका कारण उनको मृत्यु भएको परिवारको आरोप छ।</p>
<p>यसबारे अनुसन्धान हुने भएपछि उनको सोधपुछमा संलग्न इन्स्पेक्टर सिंह तथा प्रहरी हवल्दारद्वय हिरोज मियाँ धुनिया र मन्नुकुमार सिंह निलम्बनमा परेका हुन्।</p>
प्रतिक्रिया दिनुहोस्
.jpg)
