कर्तव्य ज्यान मुद्दाका ५ जना फरार प्रतिवादीहरू पक्राउ
<p>म्याग्दी। कर्तव्य ज्यान मुद्दामा २० वर्ष कैद (जन्मकैद) ठहर भई फरार रहेका ५ जना प्रतिवादीहरूलाई प्रहरीले पक्राउ गरेको छ।</p>
<p>पक्राउ पर्नेहरूमा म्याग्दी मालिका गाउँपालिका-४ बस्नेहरू २८ वर्षीय बलमान घर्ति, ३३ वर्षीय जिवन घर्ति मगर, २६ वर्षीय दुर्गा बहादुर घर्ति तथा २७ वर्षीय दल प्रसाद पुन र सोही गाउँपालिका-५ बस्ने २९ वर्षीय तिथेन्द्र घर्ति मगर रहेका छन्।</p>
<p>यी मध्ये दुर्गा बहादुर र दल प्रसाद पुनलाई वारदातका समयमा बालबालिका भएकाले जिल्ला अदालत म्याग्दीले आधा सजाय तोकेको थियो ।</p>
<p>जिल्ला प्रहरी कार्यालय म्याग्दीबाट खटिएको प्रहरीको विशेष टोलीले जिल्ला प्रहरी कार्यालय कास्कीसँगको समन्वयमा कास्कीका विभिन्न स्थानहरूमा विभिन्न आवरणमा लुकिछिपी बसेका उनीहरूलाई पक्राउ गरेको हो।</p>
<p>उनीहरूलाई जिल्ला अदालत म्याग्दीमा उपस्थित गराइएकोमा अदालतको आदेशले कारागार कार्यालय म्याग्दीमा पठाईएको जिल्ला प्रहरी कार्यालय म्याग्दीले जनाएको छ।</p>
प्रतिक्रिया दिनुहोस्
.jpg)
