दीर्घकालीन योजना निर्माण गरी लागू गर्नुस्: प्रहरी महानिरीक्षक क्षेत्री
<p>काठमाडौं। प्रहरी महानिरीक्षक शैलेश थापा क्षेत्रीले शान्ति सुरक्षा कायम गर्ने, अपराध अनुसन्धान तथा नियन्त्रण गर्ने र कोरोना संक्रमण नियन्त्रण व्यवस्थापन लगायतका कार्यमा दीर्घकालीन योजना निर्माण गरी लागू गर्नुपर्ने बताएका छन्।</p>
<p>हालै सरुवा भई आफ्नो कार्यक्षेत्रमा जान लागेका प्रहरी नायव उपरीक्षकहरुलाई बुधबार प्रहरी प्रधान कार्यालयमा आयोजित एक कार्यक्रममा निर्देशन दिदैं प्रहरी महानिरीक्षक क्षेत्रीले उक्त कुरा बताएका हुन्।</p>
<p>प्रहरी अधिकृतहरू सरुवा भएको स्थानमा उच्च मनोबलका साथ उत्सुक भएर जानुपर्ने उनले बताए। “सरुवा भई जाने ठाउँमा अभिभावकको हैसियतले पूर्ण निष्ठावान् भई आ-आफ्नो कर्तव्य निर्वाह गरेमा असल र नेतृत्वदायी भूमिका ठहर्छ," उनले भने।</p>
<p>हिरासतमा भएका व्यक्तिहरूमाथि प्रहरीले गर्ने व्यवहार एवम् हिरासत कक्षको व्यवस्थापनलाई विशेष ख्याल गर्नुपर्ने उनले बताए।</p>
<p>प्रहरी महानिरीक्षक क्षेत्रीले अपराधजन्य गतिविधिमा शून्य सहनशीलता हुनुपर्ने उल्लेख गर्दै अन्य सुरक्षा निकाय, स्थानीय निकाय र कानुन कार्यान्वयन गर्ने अन्य निकायहरुसँग समन्वयकारी भूमिका निर्वाह गर्न निर्देशन दिएका थिए।</p>
प्रतिक्रिया दिनुहोस्
.jpg)
