सवारी दुर्घटनामा २ जनाको मृत्यु
<p>काठमाडौं। चितवन र सुनसरीमा भएका छुट्टाछुट्टै सवारी दुर्घटनामा दुई जनाको मृत्यु भएको छ।</p>
<p>चितवनको भरतपुर महानगरपालिका-२९ स्थित सडकमा बा १९ च ७६७७ नम्बरको बलेरो जीप र ग २ ख ४३१९ नम्बरको ट्रक आपसमा ठक्कर खाई बुधबार बिहान दुर्घटना हुँदा जीप चालक धादिङ गजुरी गाउँपालिका-२ बस्ने ३० वर्षीय शंकर सेढाईंको मृत्यु भएको हो।</p>
<p>दुर्घटनामा गम्भीर घाईते भएका सेढाईको पूरानो मेडिकल कलेज भरतपुरमा उपचारको क्रममा मृत्यु भएको हो। ट्रक र चालकलाई प्रहरीले नियन्त्रणमा लिएको छ।</p>
<p>सुनसरीको धरान उपमहानगरपालिका-८ स्थित सडकमा सोमबार साँझ को.८ प ९३०२ नम्बरको मोटरसाइकलको ठक्करबाट हाल पहिचान नखुलेकी ७५ वर्षीया महिलाको मृत्यु भएको छ।</p>
<p>ठक्करबाट गम्भीर घाइते भएकी महिलाको धरान घोपामा उपचारको क्रममा मंगलबार साँझ मृत्यु भएको हो। दुर्घटनाका सम्बन्धमा स्थानीय प्रहरीले थप अनुसन्धान गरिरहेको छ ।</p>
प्रतिक्रिया दिनुहोस्
.jpg)
