बलात्कारको अभियोगमा तीन जना पक्राउ
<p>काठमाडौं। आफ्नै ७ वर्षीया छोरीलाई बलात्कार गरेको अभियोगमा काठमाडौं महानगरपालिका-३१ शंखमुल बस्ने ४० वर्षीय पुरुषलाई मंगलबार राति प्रहरीले पक्राउ गरेको छ।</p>
<p>आफ्नै छोरीलाई पटक-पटक बलात्कार गरेको भन्ने खबर प्राप्त हुनासाथ महानगरीय प्रहरी वृत्त बानेश्वरबाट खटिएको प्रहरीले उनलाई पक्राउ गरेको हो।</p>
<p>झापामा ११ वर्षीया बालिकालाई बलात्कार गरेको अभियोगमा बाह्रदशी गाउँपालिका-५ कटरडागी बस्ने ५८ वर्षीय हर्कबहादुर मगरलाई मंगलबार साँझ प्रहरीले पक्राउ गरेको छ।</p>
<p>मगरले ती बालिकालाई पटक-पटक जबरजस्तीकरणी गरेको भन्ने खबर प्राप्त हुनासाथ ईलाका प्रहरी कार्यालय अनारमनीबाट खटिएको प्रहरीले उनलाई पक्राउ गरेको हो।</p>
<p>कास्कीमा २३ वर्षीया महिलालाई बलात्कार गरेको अभियोगमा पोखरा महानगरपालिका-१० अन्नपूर्ण टोल बस्ने ५५ वर्षीय हरि बहादुर गुरुङलाई सोमबार प्रहरीले पक्राउ गरेको छ।</p>
<p>ती महिलालाई डर, धाकधम्की देखाई गत शुक्रबार राति बलात्कार गरेको भन्ने खबर प्राप्त हुनासाथ जिल्ला प्रहरी कार्यालय कास्कीबाट खटिएको प्रहरीले उनलाई पक्राउ गरेको हो।</p>
<p>घटनाका सम्बन्धमा स्थानीय प्रहरीले थप अनुसन्धान गरिरहेको छ।</p>
प्रतिक्रिया दिनुहोस्
.jpg)
