१६ वर्षअघि कारागारबाट फरार भएका दुई व्यक्ति पक्राउ
<p>कैलाली। १६ वर्ष अघि कारागारबाट भागी फरार रहेका दुइ जनालाई प्रहरीले पक्राउ गरेको छ।</p>
<p>डाँका चोरी मुद्दाका गौरिगंगा नगरपालिका-बस्ने ६२ वर्षीय चुलुवा चौधरी र कर्तव्य ज्यान मुद्दाका कैलारी गाउँपालीका-५ बस्ने ४८ वर्षीय पुरण प्रसाद कुमाल पक्राउ परेका हुन्।</p>
<p>डाँका चोरी मुद्दामा जिल्ला अदालत कैलालीको २०६६ असार २ गते चौधरीलाई ६ वर्ष कैद र ४ हजार १ सय ४७ रुपैयाँ ६५ पैसा जरिवाना ठहर गरेको थियो।</p>
<p>चौधरीलाई आफ्नै घरमा लुकिछिपी बसेको अवस्थामा फेला पारी पक्राउ गरिएको हो। जिल्ला अदालत कैलालीको फैसला पुनरावेदन अदालत दिपायलबाट समेत सदर भएको थियो।</p>
<p>गौरिगंगा नगरपालिका-२ स्थित स्थानीयको घरमा २०५८ माघ ४ गते राति हातहतियार सहित आएको समूहले नगद तथा धनमाल चोरी गरी फरार भएको घटनामा संलग्न चौधरीलाई तत्कालै पक्राउ गरी सम्पूर्ण अनुसन्धान कार्य पश्चात कैलाली जिल्ला अदालतमा पेश गरिएको थियो।</p>
<p>अदालतको आदेशले पुर्पक्षका लागि कारागार कार्यालय कैलालीमा पठाइएका उनी २०६१ माघ २७ गते कारागारबाट भागी फरार भएका थिए।</p>
<p>चौधरीलाई आवश्यक कारबाहीका लागि कैलाली जिल्ला अदालत पठाइएको जिल्ला प्रहरी कार्यालय कैलालीले जनाएको छ। <br />
कर्तव्य ज्यान मुद्दामा जिल्ला अदालत कैलालीको २०६५ जेठ २० गतेको फैसलाले सर्वस्व सहित जन्म कैद भई फरार रहेका कुमाललाई सोमबार उनकै घरबाट प्रहरीले पक्राउ गरेको छ।</p>
<p>कैलारी गाउँपालीका-५ बस्ने २३ वर्षीय राम बहादुर कुमाल घरमा एक्लै सुतेको अवस्थामा २०६१ कात्तिक ७ गते राति धारिलो हतियार प्रयोग गरी हत्या गरेको घटनामा संलग्न पुरण प्रसादलाई तत्कालै पक्राउ गरी सम्पूर्ण अनुसन्धान कार्य पश्चात कैलाली जिल्ला अदालतको आदेशले पुर्पक्षका लागि कारागार पठाएको थियो।</p>
<p>२०६१ माघ २७ गते उनी कारागारबाट भागेर फरार भएका थिए। जिल्ला अदालत कैलालीको फैसला पुनरावेदन अदालत दिपायल र सर्वोच्च अदालतबाट समेत सदर भएको थियो।</p>
<p>कुमाललाई आवश्यक कारबाहीका लागि कैलाली जिल्ला अदालत पठाइएको जिल्ला प्रहरी कार्यालय कैलालीले जनाएको छ।</p>
प्रतिक्रिया दिनुहोस्
.jpg)
