भारतीय पूर्व राष्ट्रपति मुखर्जीको निधन
<p>एजेन्सी। भारतका पूर्व राष्ट्रपति प्रणव मुखर्जीको निधन भएको छ।</p>
<p>कोरोना पोजिटिभ देखिएका उनको उपचारको क्रममा दिल्लीस्थित आर्मी रिसर्च एण्ड रेफरल (आर एण्ड आर) हस्पिटलमा निधन भएको टाइम्स अफ इण्डियाले जनाएको छ।</p>
<p>उनको केही समयअघि मष्तिस्कको शल्यक्रिया गरिएको थियो। त्यस पश्चात कोमामा गएका मुखर्जीको कोरोना परीक्षण गर्दा पोजिटिभ देखिएको थियो।</p>
<p>लामो समयदेखि रोगसँग लडिरहेका मुखर्जीको ८४ वर्षको उमेरमा आज निधन भएको हो।</p>
<p>उनका छोरा अभिजीत मुखर्जीले पनि ट्वीटरमार्फत बुवाको मृत्यु पुष्टि गरेका छन्। </p>
<p>८४ वर्षीय मुखर्जीलाई फोक्सोको संक्रमणका कारण सेप्टिक सक भएको थियो। १० अगस्ष्टमा अस्पताल भर्ना भएका उनी केही दिनदेखि गहिरो कोमामा थिए।</p>
प्रतिक्रिया दिनुहोस्
.jpg)
