सुनकोशीका पहिरोपीडितलाई घर बनाउन गाउँपालिकाले पाँच लाख दिने
<p>सिन्धुपाल्चाेक। सुनकोशी गाउँपालिका-६, धुसेनीका पहिरोपीडितको घर बनाउन गाउँपालिकाले पाँच लाख दिने भएको छ।</p>
<p>पहिराेले घर पुरिएकाको घर निर्माण गर्न पाँच लाख सहयोग गर्ने अध्यक्ष श्रमणकुमार जिसीले बताए। </p>
<p>उनले घटनास्थलमै पुगेर पीडितसमक्ष प्रतिपरिवार पाँच लाख दिने घोषणा गरेका हुन्।</p>
<p>आइतबार बिहान गएको पहिराेले चार घर पुरेको थियो।</p>
<p>जनप्रतिनिधि, सेना र प्रहरीको सहयोगमा जोखिममा रहेकालाई सुरक्षित ठाउँमा स्थानान्तरण गरिएको छ।</p>
<p>सुरक्षित स्थानान्तरणका लागि ३० बण्डल जस्ता र ६ वटा टेण्टसमेत गाउँपालिकाले दिएको छ।</p>
<p>पहिराेले खीलबहादुर भण्डारी, सीताराम भण्डारी र इबहादुर भण्डारीको घर पुरिएको थियो।</p>
<p>पहिराेको जोखिममा रहेका अन्य ९ घर परिवारलाई पनि सुरक्षित स्थानमा सारिएको छ। <em>रासस</em></p>
प्रतिक्रिया दिनुहोस्
.jpg)
