चीनमा होटल भत्किँदा २९ जनाको मृत्यु
<p>शाङ्सी। चीनको उत्तरी प्रान्त शाङ्सीमा एउटा होटल भत्किँदा मृत्यु हुनेको संख्या २९ जना पुगेको छ।</p>
<p>स्थानीय अधिकारीहरुले भवनमा पुरिएको आशंकामा गरिएको खोज तथा उद्धार कार्य समाप्त भएको बताएका छन्।</p>
<p>शनिबार बिहान दुई तले होटल भत्किएर १७ जनाको मृत्यु भएको तथा २८ जना घाइते भएको विवरण प्राप्त भएको थियो। घाइतेमध्ये अझै पनि सात जनाको अवस्था गम्भीर रहेको छ।</p>
<p>होटल भत्किनुको कारणका बारेमा स्थानीय अधिकारीहरुले अनुसन्धान शुरु गरेका छन्। उक्त घटनाको छानबिनका लागि एक समिति नै बनाइएको छ।</p>
<p>एजेन्सी</p>
प्रतिक्रिया दिनुहोस्
.jpg)
