गौरीफन्टा नाकामा खटिएका सशस्त्र प्रहरी निरीक्षक फिर्ता
<p>कैलाली। रेड लेवल लिएर भारतीय नागरिकलाई नेपाल प्रवेश गराएको आरोप लागेका सशस्त्र प्रहरीका निरिक्षक शैलेन्द्र सिंह चैसिरलाई २४ घण्टा नबित्दै जिम्मेवारीबाट हटाइएको छ।</p>
<p>उनको ठाउँमा सशस्त्र प्रहरी निरीक्षक सुरेश महर्जनलाई कञ्चनपुरको झलारीस्थित सशस्त्र प्रहरीको ३५ नम्बर गणले पठाएको छ।<br />
कैलालीको सुरक्षा टोलीलाई हटाएर गौरीफन्टासँग जोडिएको धनगढी नाकाको सुरक्षाको जिम्मेवारी लिएको कञ्चनपुरको सुरक्षा टोली २४ घण्टा नबित्दै विवादमा मुछिएको हो।</p>
<p>सशस्त्र प्रहरी निरिक्षक चैसिरले भने धनगढीमा शिवम हार्डवेयर सञ्चालन गर्दै आएका शिवम गुप्ताले आफ्नो आमा, छोरी र छोरा भएको बताएपछि नेपाल प्रबेश गर्न दिएको बताए।</p>
<p>“नेपाली नागरिकलाई आउन दिनु भन्ने हामीलाई आदेश थियो। त्यही आदेशका कारण उनीहरुलाई आउन दिएका हौ”, सशस्त्र प्रहरी निरिक्षक चैसिरले भने, “शिवम गुप्ताले आफू नेपाली नागरिक भएको र धनगढी उपमहानगरपालिका-३ बिशालनगरमा घर समेत भएको बताएपछि उनका छोरा, छोरी र आमालाई नेपाल प्रवेश गर्न दिएका हौ।”</p>
<p>उनले आफूलाई जिम्मेवारीबाट नहटाएको भई आफ्नो पहिले नै सरुवा भईसकेको र जिम्मेवारीबाट खटाएका निरिक्षक आई नसकेकोले हिजो गौरीफन्टा नाकामा खटिएको बताए।</p>
<p>सोही विषयमा जानकारी लिन सम्पर्क गर्न खोज्दा सशस्त्र प्रहरी बल नम्बर ३५ गण झलारीका प्रमुख सशस्त्र प्रहरी उपरीक्षक वीरेन्द्र ऐरले फोन उठाएनन्।<br />
</p>
प्रतिक्रिया दिनुहोस्
.jpg)
