ताराखोलामा ‘कोसेली घर’
<p style="text-align: justify;">बागलुङ। स्थानीय उत्पादनको बजारीकरणमा सघाउन ताराखोला गाउँपालिकाले ‘कोसेली घर’ बनाउने भएको छ।</p>
<p style="text-align: justify;">कोसेली घर’का लागि चालु आर्थिक वर्षमा संघीय सरकारको ३० लाख र गाउँपालिकाको १५ लाख रूपैयाँ बजेट छ। </p>
<p style="text-align: justify;">सडकको सहज पहुँच भएको र बजार आसपास पर्ने गरी ‘कोसेली घर’ निर्माण गरिने गाउँपालिका अध्यक्ष प्रकाश घर्तीको भनाइ छ।</p>
<p style="text-align: justify;">“भवन बनाएर यो वर्षभित्रै सेवा सुरु गर्ने योजना छ”, उनले भने।</p>
<p style="text-align: justify;">कृषि, पशुजन्य उपजदेखि हस्तकलाका सामग्री, जडीबुटीलगायत स्थानीय उत्पादन बिक्रीका लागि त्यहाँ राखिनेछ।</p>
<p style="text-align: justify;">मकै, फापरजस्ता कृषि फसल नै बिक्रीमा नराखेर त्यसबाट बन्ने आटो, पिठोलाई ‘कोसेली घर’मा राख्ने सोच गाउँपालिकाको छ।</p>
<p style="text-align: justify;">दूध, घ्यूलगायत पशुपक्षीजन्य उत्पादनको व्यावसायीकरणमा पनि टेवा पुग्ने विश्वास लिइएको छ। <em>रासस</em></p>
.jpg)
