कोरोनाका कारण नर्वेमा पनि आर्थिक मन्दी
<p>एजेन्सी। कोरोना भाइरसको महामारीका कारण आर्थिक मन्दीको सामना गर्ने देशहरुको सूचीमा नर्वेको नाम पनि थपिएको छ। </p>
<p>सरकारी तथ्याङ्कअनुसार दोस्रो त्रैमासिक पनि निराशाजनक नर्वेको जिडिपीमा व्यापक गिरावट आएको छ। </p>
<p>अप्रिलदेखि जुनसम्मको आर्थिक तथ्यांकअनुसार नर्वेको अर्थव्यवस्थामा ६.३ प्रतिसतले गिरावट आएको छ। जुन नर्वेको अहिलेसम्मकै इतिहासको सबभन्दा खराब अवस्था हो।</p>
<p>“दोस्रो त्रैमासिकमा आएको गिरावट नर्वेको अर्थव्यवस्थामा अहिलेसम्मकै सबैभन्दा धेरै हो,” राष्ट्रिय तथ्यांक कार्यालयको विज्ञप्तिमा भनिएको छ।</p>
<p>समाचार एजेन्सी रोयटर्सका अनुसार यति धेरै गिरावट आउनाका बावजुद नर्वेको आर्थिक अवस्था युरोपका अन्य थुप्रै देशभन्दा राम्रो छ। युरोपका कतिपय देशमा दोस्रो त्रैमासिकमा १२.१ प्रतिसतसम्मको गिरावट आएको छ। </p>
<p>छिमेकी स्विडेनको तुलनामा पनि नर्वेको आर्थिक अवस्था राम्रो छ। स्विडेनमा ८.६ प्रतिसतले जिडिपीमा गिरावट आएको छ।</p>
प्रतिक्रिया दिनुहोस्
.jpg)
