धारिलो हतियार देखाएर त्रसित बनाउने ३ जना पक्राउ
<p>काठमाडौं। सुनसरीको धरान उपमाहानगरपालिका-१५ बगरकोटस्थित सेउती खोलाको पुल नजिकबाट धारिलो हतियार लिएर त्रास फैलाउने तीन जनालाई प्रहरीले पक्राउ गरेको छ।</p>
<p>खुकुरी र छुरी लगायतका धारिलो हतियार लिएर त्रास फैलाउको अभियोगमा प्रहरीले सोही ठाउँका २९ वर्षीय सुजन राई, १९ वर्षीय सुसन राई र २३ वर्षीय मनिश भुजेललाई पक्राउ गरेको हो।</p>
<p>उनीहरूले सोही उपमहानगरपालिका-८ बस्ने २४ वर्षीय रोशन विश्वकर्मालाई खुकुरी र चक्कु देखाई कुटपिट गरेको पनि प्रहरीले जनाएको छ।</p>
<p>प्रहरीका अनुसार त्यसपछि उनीहरू खुकुरी र चक्कु बोकी सार्वजनिक स्थलमा स्थानीयलाई त्रसित तुल्याइरहेको अवस्थमा पक्राउ परेका हुन्।</p>
<p>उनीहरूविरुद्ध अभद्र व्यवहार मुद्दामा म्याद थप गरी अनुसन्धान गरिरहेको इलाका प्रहरी कार्यालय धरानले जनाएको छ।</p>
प्रतिक्रिया दिनुहोस्
.jpg)
