कर्णालीमा ९ जना फरार अभियुक्त पक्राउ
<p>सुर्खेत। कर्णाली प्रदेश प्रहरी कार्यालय सुर्खेत मातहतका जिल्ला प्रहरी कार्यालयको सहयोगमा ९ फरार अभियुक्त पक्राउ गरिएको छ।</p>
<p>सुर्खेत प्रहरीले लिखित बेइज्जती मुद्दाका एक र कालीकोट प्रहरीले चौपाया चोरी मुद्दाका एकजनालाई गरेकाे छ। </p>
<p>त्यस्तै सल्यान प्रहरीकाे सहयोगमा जबर्जस्ती करणी र लुटपिट मुद्दाका एक/एक र हातहतियार खरखजाना मुद्दाका दुईजनालाई पक्राउ गरी सम्बन्धित अदालतमा बुझाइएको कर्णाली प्रदेश प्रहरी कार्यालय सुर्खेतका प्रवक्ता राजेशनाथ बाँस्तोलाले जानकारी दिए। </p>
<p>त्यसैगरी जिल्ला प्रहरी कार्यालय मुगुले अभद्र व्यवहार मुद्दाका दुईजनालाई पक्राउ गरी अदालतमा बुझाएको छ।</p>
<p>यो अभियान निरन्तर अघि बढिरहेको कर्णाली प्रदेश प्रहरी कार्यालयले जनाएको छ। <em>रासस</em></p>
प्रतिक्रिया दिनुहोस्
.jpg)
