बाफलमा युवतीलाई एसिड छ्याप्नेलाई पुर्पक्षका लागि थुनामा पठाउन आदेश
<p>काठमाडाैं। जिल्ला अदालत काठमाडौँले स्थानीय बाफलकी एक युवतीमाथि एसिड आक्रमण गर्ने अभियुक्तद्वयलाई पुर्पक्षका थुनामा पठाउन आदेश जारी गरेको छ।</p>
<p>न्यायाधीश कृष्णजङ्ग शाहको आजको इजलासले एसिड आक्रमण गर्ने भनिएका मोहम्मद आलम र फैयाज आलमलाई पुर्पक्षका लागि थुनामा पठाउने आदेश जारी गरेको अदालतका फैसला कार्यान्वयन अधिकारी सञ्जीव पोखरेलले जानकारी दिए।</p>
<p>आदेशमा एसिड पीडित ओखलढुङ्गाकी पवित्रा कार्कीलाई पीडित राहत कोषबाट दुई लाख रूपैयाँ राहत दिनसमेत भनिएको छ।</p>
<p>अभियुक्तले गत साउन ८ गते कार्कीलाई काठमाडौंको बाफलमा सँगै खाजा खान बोलाएर एसिड प्रहार गरेका थिए। कार्कीको हाल उपचार भइरहेको छ।</p>
<p>रासस</p>
प्रतिक्रिया दिनुहोस्
.jpg)
