जब स्वाव नदिइकनै कोरोना परीक्षणको रिपोर्ट ‘नेगेटिभ’ आयो
<p>काठमाडौं। रामहरी निरौलाको मोबाइलमा गए राति नै एउटा म्यासेज आएको रहेछ। म्यासेज आएको बिहान मात्र देखे।</p>
<p>म्यासेजमा भनिएको थियो- “तपाईको कोभिड रिजल्ट नेगेटिभ छ।”</p>
<p>म्यासेज पढेपछि निरौला आश्चर्यमा परे।</p>
<p>नपरुन् कसरी, उनले त कोरोना परिक्षणको लागि स्वाब नै दिएका थिएनन्।</p>
<p>“धन्न रिपोर्टमा ‘नेगेटिभ’ लेखिएको थियो। पोजेटिभ भनिएको भए मेरो हालत के हुन्थ्यो होला,” हाँस्दै उनले भने।</p>
<p>सर्लाही हरिवन नगरपालिका-८ निवासी रामहरी निरौला बागमति नगरपालिका स्थित एक लघुबित्त संस्थामा काम गर्छन्।</p>
<p>पछिल्लो समय सर्लाहीमा कोरोना संक्रामित बढेसंगै नगरपालिकाले परीक्षणको दायरा बढायो। गत आइतबार नगरपालिकामा स्वाब लिने सूचना आएको थियो।</p>
<p>निरौलाले पनि स्वाव दिने लिष्टमा नाम शुक्रवार नै टिपाएका थिए।</p>
<p>नाम टिपाउँदा आफ्नो नाम र मोवाइल नम्वर दिएका थिए। तर उनी स्वाव दिन भने गएनन्। तर आज भने उनको मोबाइलमा कोरोना परीक्षणको रिपोर्ट ‘नेगेटिभ’ आयो।</p>
<p>रिपोर्टबारे उनले आफ्नो फेसबुक स्टाटसमा लेखको छन्, “धन्यवाद ! वागमपत नगरपालिका, सर्लाही तथा जनस्वास्थ प्रयोगशाला मेरो स्वाव संकलन तथा परिक्षण बिना नेगेटिभ रिपोर्ट दिनुभएकोमा।”</p>
<p><img src="/uploads/editor/2020-08-20/123859139corona mis info1.jpg" /></p>
<p>सँगै उनले 'स्थानीय निकाय मार्फत गरिने परीक्षणको विश्वसनीयता कती?' भनेर प्रश्न समेत उठाएका छन्।</p>
<p>उनले <em>देखापढी</em>सँग कुरा गर्दै भने “यो त हदैको लापरवाहि भएन र? यस्तो महामारीको समयमा पनि जाँचको यो प्रकारको लापरबाही हुनेभए कसरी विश्वास गर्ने?”</p>
<p>कोभिडको परिक्षण गराउन चाहने कसैले आफ्नो नाम खुलाउन नचाहेकोले आफ्नो नाममा स्वाव दिएको हो की भन्ने उनको आशंका छ।</p>
<p>“यदि स्वाब लिदा कुनै आईडी कार्ड वा आधार देखाउने माध्यम बनाएको भए यस्तो हुदैनथ्यो होला,” उनले थपे ।</p>
<p>बागमति नगरपालिकका सह संयोजक पदम रायमाझीले आफूहरुले कोरोना परिक्षणको लागि नाम दिन आग्रह गरेको र सोहि बमोजिम आइतबार स्वाब लिएको बताए। तर स्वाब लिदा कुनैपनि परिचय पत्र भने नलिएको उनले बताए।</p>
प्रतिक्रिया दिनुहोस्
.jpg)
