एम्बुलेन्सबाट खसेर एक युवतीको मृत्यु
<p>काठमाडाैं। दाङको लमही नगरपालिका-७ बनघुर्सीमा एम्बुलेन्सबाट खसेर एक युवतीको मृत्यु भएको छ।</p>
<p>एम्बुलेन्समा सवार राजपुर गाउँपालिका-७ भैसाहीकी ३५ वर्षीया कमला विश्वकर्माको मृत्यु भएको ट्राफिक प्रहरीले जनाएको छ।</p>
<p>पुर्व पश्चिम राजमार्गमा पुर्वबाट पश्चिमतर्फ जाँदै गरेको भे १ च १६४५ नम्बरको एम्बुलेन्स रोकेर पुन गुड्ने क्रममा एम्बुलेन्समा सवार उनी खसेकी थिइन्।</p>
<p>गम्भीर घाइते भएकी उनको उपचारका क्रममा नेपालगञ्ज मेडिकल कलेज कोहलपुरमा मृत्यु भएको हो। एम्बुलेन्स सहित चालकलाई वडा प्रहरी कार्यालय लमहीले नियन्त्रणमा लिएको छ।<br />
</p>
प्रतिक्रिया दिनुहोस्
.jpg)
