राष्ट्रकवि घिमिरेको निधनप्रति उपराष्ट्रपति पुनद्वारा दु:ख व्यक्त
<p>काठमाडौं। उपराष्ट्रपति नन्दबहादुर पुनले राष्ट्रकवि माधवप्रसाद घिमिरेको निधनप्रति दु:ख व्यक्त गरेका छन्।</p>
<p>उनले आज शोक वक्तव्य जारी गर्दै राष्ट्रकवि घिमिरेको निधनबाट आफू स्तब्ध भएको जनाएका छन्।</p>
<p>‘‘नेपाली साहित्यका शीर्ष व्यक्तित्व राष्ट्रकवि माधवप्रसाद घिमिरेको मंगलबार साँझ भएको दुःखद निधनले स्तब्ध भएको छु,’’ वक्तव्यमा भनिएको छ, ‘‘दिवंगत राष्ट्रकवि घिमिरेप्रति भावपूर्ण श्रद्धाञ्जलि र शोकाकूल परिवारजनमा गहिरो समवेदना व्यक्त गर्दछु।’’</p>
<p>राष्ट्रकवि घिमिरेलाई भौतिक रूपमा बिदा गर्नुपर्दा राष्ट्रलाई ठूलो क्षति भएको उपराष्ट्रपति पुनले उल्लेख गरेका छन्। </p>
<p>‘‘राष्ट्रलाई दिनुभएको अमूल्य साहित्य सिर्जना तथा राष्ट्रका लागि पु¥याउनुभएको उच्च योगदानले उहाँ सँधै सँधैका लागि बाँचिरहनु हुनेछ,’’ शोक वक्तव्यमा उल्लेख छ, ‘‘साहित्य सिर्जनामार्फत राष्ट्रकवि घिमिरेले राष्ट्रको लागि पु¥याउनुभएको अमूल्य योगदानको म उच्च सम्मान गर्दछु।’’ </p>
<p>राष्ट्रकवि घिमिरेमा भएको देशभक्ति, प्रकृति प्रेम भावलाई अंगाल्दै उनको सरल आदर्श जीवनलाई अनुशरण गर्न सके उनीप्रति सच्चा श्रद्धाञ्जलि हुने उपराष्ट्रपति पुनको भनाइ छ।</p>
प्रतिक्रिया दिनुहोस्
.jpg)
