क्यानडाका अर्थमन्त्रीद्वारा राजीनामा
<p>काठमाडौं। क्यानडाका अर्थमन्त्री बिल मोर्नीले आफू निकट सम्बन्ध रहेको एक सामाजिक संस्थालाई सरकारी कार्यक्रम दिलाउन भूमिका खेलेको आरोपमा छानविन हुन थालेपछि राजीनामा दिएका छन्। </p>
<p>प्रधानमन्त्री जस्टिन ट्रुडोको छविमै आँच आउने अवस्था सिर्जना भएपछि उनले मन्त्री र सांसद पदबाट समेत राजीनामा दिएको समाचारमा जनाइएको छ।</p>
<p>अहिले मन्त्री मोर्नीका परिवारका सदस्यहरूसँग डब्लुई च्यारिटी नामको संस्थाको सम्बन्धमा अनुसन्धान शुरू भएको छ, र प्रारम्भिक विवरणमा च्यारिटीसँग सम्बन्ध रहेका प्रमाणहरु सार्वजनिक भएका छन्। </p>
<p>सरकारी अनुदानप्राप्त विद्यार्थी स्वयंसेवी कार्यक्रमका लागि डब्लुई च्यारिटीलाई ६७ करोड अमेरिकी डलरको एउटा कार्यक्रम संचालनको जिम्मेवारी दिइएको थियो। </p>
<p>मन्त्री मोर्नीले आफूले विभिन्न भ्रमणका क्रममा डब्लुई च्यारिटीबाट यातायात खर्च बुझेको स्वीकार गरेका छन्। </p>
<p>रासस/एएनआई</p>
प्रतिक्रिया दिनुहोस्
.jpg)
