नेपालमा नसर्ने रोगबाट ६६ प्रतिशत मानिसको मृत्यु, खराब जीवनशैली कारक
<p>काठमाडौं। विश्‍वमा नसर्ने रोगबाट मृत्यु हुने मानिसको तथ्यांक ७१ प्रतिशत हुँदा नेपालमा यो संख्या ६६ प्रतिशत रहेको छ।</p>
<p>प्रदेश ३ सामाजिक विकास मन्त्रालय स्वास्थ्य निर्देशनालयका अनुसार आरामदायी निद्रा अभाव, नकारात्मक सोच, सन्तुलित खानाको अभाव, धुम्रपान र मध्यपानको बढ्दो प्रयोगका कारण नसर्ने रोगको कारक बनेको छ।</p>
<p>निर्देशनालयका निर्देशक बद्रीबहादुर खड्काले नेपालमा ८५ प्रतिशत मानिस नसर्ने रोगको समस्या लिएर अस्पताल आउने गरेको जानकारी दिएका छन्। </p>
<p>मुटुरोग, रक्तचाप, मृर्गौला, मधुमेह, दम, अर्बुदलगायतका रोग नसर्ने रोग हुन्।</p>
<p>नेपालको मुख्य समस्या बनेको ८५ प्रतिशत नसर्ने रोगमध्ये १८ प्रतिशत मानिस मानसिक रोगका बिरामी भेटिएका निर्देशनालयले जनाएको छ। </p>
<p>पुरुषको तुलनामा महिलामा चिन्ता र निराशा रहने समस्या बढी छ। <em>रासस</em></p>
प्रतिक्रिया दिनुहोस्
.jpg)
