नेपाली सेनाका सहायक रथी र महासेनानीसहित तीन जना बर्खास्त, तीन जनाको घटुवा
<p>काठमाडौं। नेपाली सेनाका एक सहायक रथी, एक महासेनानी र एक प्रमुख सुवेदारलाई सेवाबाट हटाइएको छ। सम्पत्ति र अनुशासन तथा आचरणसम्बन्धी कसूर गरेको अभियोगमा उनीहरूमाथि कारबाही गरिएको हो। </p>
<p>जसअनुसार सहायक रथी प्रयोग जबरा, महासेनानी नविन सिल्वाल र प्रमुख सुवेदार मिठुराम विश्वकर्मालाई सैनिक सेवाबाट बर्खास्त गरिएको हो। तीनै जनालाई समरी जनरल सैनिक अदालतले दोषी ठहर गर्दै सेवाबाट हटाउन आदेश दिएको नेपाली सेनाले जनाएको छ। </p>
<p>त्यस्तै सहसेनानी लक्ष्मीकान्त खनाल, सुवेदार भोजबहादुर विष्ट र जमदार विनोद बस्नेतको एक तह घटुवा गरिएको छ। प्राविधिक सहसेनानी फिरोज महर्जन र जमदार भद्रबहादुर शाहीलाई नसिहत दिइएको छ। महासेनानी राजेन्द्रमणी गिरी र लेखा सुवेदार नवराज पाण्डे (अवकाशप्राप्त) लाई भने सैनिक अदालतले सफाइ दिएको छ।</p>
<p>सबैविरुद्ध पाँचखालस्थित वीरेन्द्र शान्ति कार्य तालिम केन्द्रमा कार्यरत रहँदा सम्पत्ति र अनुशासन तथा आचरण सम्बन्धी कसुर गरेको आरोप लागेको थियो।<br />
</p>
प्रतिक्रिया दिनुहोस्
.jpg)
