महाेत्तरीकाे राजपुरमा सर्पकाे सन्त्रास : एउटै सर्पले १६ जनालाई डस्याे !
<p>महाेत्तरी। महोत्तरीमा एउटै वडामा १६ जनालाई विषालु सर्पले डसेपछि स्थानीयवासी त्रसित भएका छन्।</p>
<p>महोत्तरीको भङ्गहा नगरपालिका-५ ,राजपुरमा १६ जनालाई सर्पले डसेपछि स्थानीवासी त्रसित भएका हुन्।</p>
<p>शुक्रबार साँझ ५ बजेदेखि राति १० बजेसम्म थप १५ जनालाई एउटै सर्पले डसेकाे भन्दै अहिले सो गाउँभरि त्रास फैलिएको भङ्गहा नगरपालिकाका प्रमुख सञ्जीवकुमार साहले बताए।</p>
<p>बिहीबार धानखेतमा काम गरिरहेका बेला ४५ वर्षीया जैमुन खातुनलाई विषालु सर्पले डसेपछि उनको मृत्यु भएको थियो।</p>
<p>अहिले त्यहाँका स्थानीयवासी आ-आफ्नै घरमा सतर्क भएर बसिरहेका छन् भने घरबाट निस्कन छाडेको वडाध्यक्ष शिवकुमार महतोले बताए।</p>
<p>शुक्रबार सात महिला र एक पुरुषलाई सर्पले डसेकाे भन्दै सर्पदंश उपचार केन्द्र बर्दिवासमा भर्ना गराइ उपचार भइरहेको छ।</p>
<p>अन्य सातजनाको स्थानीयस्तरमा उपचार भइरहेको जनाइएको छ।</p>
<p>नगर प्रमुख साहले बर्दिवास र स्थानीयस्तरमा उपचाररत सबैको स्वास्थ्य अवस्था सामान्य रहेको बताए। <em>रासस</em></p>
प्रतिक्रिया दिनुहोस्
.jpg)
