चारजना मृत फेला
<p style="text-align: justify;">काठमाडौं। सप्तरीको हनुमाननगर कंकालनी नगरपालिका-१४, डलुवास्थित कोशी नदीको किनारमा एक पुरुष मृत फेला परेका छन्।</p>
<p style="text-align: justify;">उनको पहिचान खुलेको छैन। प्रहरीले मृत फेला परेका पुरुषको उमेर अन्दाजी ३५ वर्ष रहेको जनाएको छ।</p>
<p style="text-align: justify;">यस्तै कास्कीको मादी गाउँपालिका-२, क्युरोखोलामा गोरखा पालुङटार घर भएका ३६ वर्षीय अमित पन्त मृत अवस्थामा फेला परेका छन्।</p>
<p style="text-align: justify;">सोही गाउँपालिकाको सेती खोलास्थित नामार्जुन हाइड्रोपावरमा सिभिल इन्जिनियर पदमा कार्यरत पन्त खाजा खान जान्छु भनी हिँडेको थिए।</p>
<p style="text-align: justify;">तर, सम्पर्कमा नआएपछि खोजी गर्ने क्रममा क्युरोखोलामा ढुङ्गामा उनको शव फेला परेको प्रहरीले जनाएको छ।</p>
<p style="text-align: justify;">पोखरा महानगरपालिका-१३ डेरा गरी बस्ने लमजुङ मध्यनेपाल नगरपालिका-१ घर भएका ५२ वर्षीय जंगबहादुर गुरुङ पनि मृत फेला परेका छन्।</p>
<p style="text-align: justify;">प्रहरीका अनुसार सोही ठाउँस्थित कुलोमा उनी शनिबार मृत अवस्थामा फेला परेका हुन्।</p>
<p style="text-align: justify;">यसैगरी, बैतडीको पाटन नगरपालिका-१, भम्कास्थित सुर्नया नदीको किनारामा सुर्नया गाउँपालिका-५ ,मडका ४२ वर्षीया जानकी मडै शुक्रबार मृत अवस्थामा फेला परेकी छन्।</p>
.jpg)
