जुगल पहिरो अपडेट : तीन बालबालिकासहित ११ जनाकाे शव निकालियो
<p style="text-align: justify;">काठमाडौं। सिन्धुपाल्चोकको जुगल गाउँपालिका-२ मा लिदीमा गएको पहिरोमा पुरिएकामध्ये ११ जनाको शव निकालिएको छ।</p>
<p style="text-align: justify;">११ मध्ये तीनजना बालबालिका रहेको जुगल गाउँपालिकाकी उपप्रमुख सिर्जना तमाङले बताइन्।</p>
<p style="text-align: justify;">आज बिहान साढे ६ बजे गएको पहिरोमा ३८ जना हराइरहेका थिए। त्यसमध्ये ११ जनाको शव निकालिएको तमाङले बताइन्।</p>
<p style="text-align: justify;">पहिरोबाट ३७ घरमा क्षति पुगेको छ। पहिरो प्रभावित क्षेत्रमा सभामुख अग्निप्रसाद सापकोटा र गृहमन्त्री रामबहादुर थापा पुगेर फर्किएका छन्।</p>
<p style="text-align: justify;">गृहमन्त्री थापाले पहिरो प्रभावित गाउँको वस्ती स्थानान्तरणमा सहयोग गर्ने आश्वासन दिएर फर्किएको गाउँपालिका उपप्रमुख सिर्जना तमाङले बताइन्।</p>
.jpg)
.jpg)
