जुगल पहिरो अपडेट: ८ वटा शव निकालियो
<p>काठमाडौं। सिन्धुपाल्चोकको जुगल गाउँपालिका–२ लिदीमा गएको पहिरोमा पुरिएका कूल ८ जनाको शव निकालिएको छ।</p>
<p>जुगल गाउँपालिकाका उपाध्यक्ष सिर्जना तामाङले पहिरोमा पुरिएका ३८ जनामध्ये हालसम्म ८ जनाको शव निकालिएको जानकारी दिएकी हुन्। उनले पहिरोमा ३७ घर पुरिएको पनि सामाजिक सञ्जाल फेसबुकमार्फत जानकारी दिएकी छन्। </p>
<p>यसअघि ८ जनाको घाइते अवस्थामा उद्धार गरी अस्पताल पुर्‍याइएको नेपाली सेनाले जानकारी दिएको छ। सेनाका अनुसार ४ जनालाई सेनाको हेलिकप्टरमा चौतारा लगिएको हो। बाँकी चार जनालाई उपचारका लागि काठमाडौं ल्याइएको छ।</p>
<p>अहिले घटनास्थलमा नेपाली सेना, प्रहरी, सशस्त्र प्रहरी, जनप्रतिनिधि र स्थानीयवासी उद्धारमा खटिएका छन्। लिदीमा आज विहान पहिरो गएको हो।</p>
<p> </p>
<p> </p>
प्रतिक्रिया दिनुहोस्
.jpg)
