पाकिस्तानी दूतावासले मनायो स्वतन्त्रता दिवस
<p>काठमाडाैं। काठमाडौं स्थित पाकिस्तानी दूतावासले आज एक कार्यक्रमको आयोजना गर्दै आफ्नो ७४औं स्वतन्त्रता दिवस मनाएको छ।</p>
<p>पाकिस्तानले बेलायती उपनिवेशबाट स्वष्ट भएको दिन अगष्ट १४ लाई स्वतन्त्रता दिवसको रुपमा मनाउँदै आएको छ। पाकिस्तान बेलायती उपनिवेशबाट सन् १९४७ अगष्ट १४ का दिन स्वतन्त्र भएको थियो।</p>
<p>७४औं स्वतन्त्रता दिवसको अवसरमा नेपालका लागि पाकिस्तानका राजदूत मजहर जाभेदले आज दूतावासमा पाकिस्तानको झण्डा फहराएका छन्।</p>
<p>झण्डोत्तोलन कार्यक्रममा दूतावासका कर्मचारी, नेपाल-पाकिस्तान मैत्री तथा सांस्कृतिक संघका सदस्यहरुको उपस्थिती रहेको थियो।</p>
<p>कार्यक्रममा राजदूत जाभेदले पाकिस्तानका राष्ट्रपतिको सन्देश पढेर सुनाएका थिए। कार्यक्रममा नेपालका परराष्ट्रमन्त्री प्रदीपकुमार ज्ञवालीको भिडियो सन्देश पनि देखाइएको थियो। <br />
</p>
प्रतिक्रिया दिनुहोस्
.jpg)
