अफगानिस्तानमा बम विस्फोटमा चार सर्वसाधारणको मृत्यु, छ जना घाइते
<p>काठमाडाैं। अफगानिस्तानको कान्दाहार सहरको एक सडकमा भएको बम विस्फोटमा परी चार जना सर्वसाधारणको ज्यान गएको छ भने अरु छ जना घाइते भएका छन्।</p>
<p>सर्वसाधारणलाई नै लक्ष्य गरेर त्यहाँ बम राखिएको बताइएको छ। बिहीबार सडकको किनारमा राखिएको बम अकस्मात विस्फोट हुँदा बाटो हिँडीरहेका सर्वसाधारण नागरिकको ज्यान गएको हो।</p>
<p>अफगानिस्तानको टोलो न्युजले सो समाचार दिएको छ। कान्दाहारको पन्जावी जिल्लाको एक बाटोमा राखिएको बम अकस्मात विस्फोट भएको थियो।</p>
<p>सो बम अफगानिस्तानका तालिबानहरूले राखेको अनुमान गरिएको छ। तालिबानहरूले यसअघि पनि सर्वसाधारणलाई लक्ष्य गरेर सडक किनारमा बम राख्ने गरेकोले यो बम पनि उनीहरुले नै राखेको अनुमान गरिएको हो। </p>
<p>तर यो विस्फोटको जिम्मेवारी भने कसैले लिएको छैन। यसअघि पनि यही अगष्ट ९ मा सोही स्थानमा भएको बम विस्फोटमा परी कम्तीमा पनि ९ जनाको ज्यान गएको थियो।</p>
<p>रासस/एएनआई</p>
प्रतिक्रिया दिनुहोस्
.jpg)
