कैलालीमा चट्याङ लागेर १३ वर्षीया बालिकाको मृत्यु
<p>काठमाडाैं। कैलालीको लम्कीचुहा नगरपालिका-१ मा चट्याङ लागेर १३ वर्षीया बालिकाको मृत्यु भएको छ।</p>
<p>स्थानीय जङ्गलमा बाख्रा चराउन गएका बेला लम्कीचुहास्थित साङ्गा चोक नजीकै चट्याङ पर्दा बालिका अञ्जु शाहीको घटनास्थलमै मृत्यु भएको इलाका प्रहरी कार्यालय टीकापुरले जनाएको छ।</p>
<p>बालिकाको शव परीक्षणका लागि टीकापुर अस्पताल ल्याइएको छ। चट्याङ लागेर उनीसँगै रहेकी लम्कीचुहाकै १४ वर्षीया भावना शर्मा भने घाइते भएकी छन्।</p>
<p>हात र खुट्टामा गम्भीर चोट लागेकी घाइते बालिकाको लम्कीस्थित लालरत्न अस्पतालमा उपचार भइरहेको प्रहरीले जनाएको छ।</p>
<p>रासस</p>
प्रतिक्रिया दिनुहोस्
.jpg)
